ترەمپ مەرجی خۆی بۆ بینینی زێلێنسکی و  پووتین ئاشکرا دەکات

ئاڤا نیوز

 

دۆناڵد ترەمپ بۆ کۆبوونەوە لەگەڵ هەر یەکە لە هاوتا ڕووسیی و ئۆکراینییەکەی، مەرج دادەنێت و ئاشکرای دەکات تاوەکو هەردوو لایەن نزیک نەبنەوە لە ڕێککەوتن لەگەڵیان کۆنابمەوە.

 

چیڕۆکی سەرەکی: بەرپرسانی ئەمریکا و ئۆکراینا ڕۆژی یەکشەممە 23-11-2025، لە جنێڤ کۆبوونەوە و تاوتوێی ڕەشنووسی پلانی واشنتنیان بۆ کۆتاییهێنان بە شەڕی ئۆکراینا کرد، لەسەر هەمان پرس ڕۆژی دووشەممە و سێشەممە شاندی ڕووسیا و ئەمریکا لە ئەبوزەبی کۆبوونەوە.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، تەنیا کاتێک لەگەڵ ڤلادێمیر پووتین، سەرۆکی ڕووسیا و ڤۆلۆدێمیر زێلنسکی، سەرۆکی ئۆکراینا کۆدەبمەوە کە هەردوولا نزیک ببنەوە لە گەیشتنە ڕێککەوتن.

 

زانیاریی زیاتر: ئەم لێدوانەی ترەمپ لە کاتێکدایە، بڕیارە ستیڤ ویتکۆف، نێردەی تایبەتەکەی هەفتەی داهاتوو لەگەڵ پووتین کۆببێتەوە، لە چوارچێوەی ئەمەش زێکێنسکی ئاشكرای کردبوو کە ئەگەر هەیە لە چەند ڕۆژی داهاتوو سەردانی کۆشکی سپی بکات.