نێچیرڤان بارزانی: هەرێمی كوردستان پشتیووانی لە دانوستانەكانی سووریا دەكات

ئاڤا نیوز

نێچیرڤان بارزانی، پشتگیری و پشتیووانیی هەرێمی كوردستان بۆ پرۆسەی دانوستان لە سووریا لەپێناو پێكەوەژیان و پاراستنی مافی هەموو پێكهاتەكان و سەقامگیری دووپات دەكاتەوە.

چیرۆكی سەرەكی: پاشنیوەڕۆی ئەمڕۆ 27ـی تشرینی دووەم، نێچیرڤان بارزانی، سەرۆكی هەرێمی كوردستان پێشوازی لە دەستەی سەرۆكایەتیی ئەنجوومەنی نیشتمانیی كورد لە سووریا 'ئەنەكەسە' بە سەرۆكایەتیی محەممەد ئیسماعیل، سەرۆكی ئەنجوومەنەكە كرد.

ڕاگەیێنراوی فەرمی: بەپێی ڕاگەیێنراوی سەرۆكایەتیی هەرێمی كوردستان، لە كۆبوونەوەكەدا، دەستەی سەرۆكایەتیی ئەنەكەسە، دوایین پێشهاته‌كانى سووريا و دۆخى كورد و پێكهاته‌كانى ديكه‌يان له‌و وڵاته‌ خسته‌ ڕوو، باس له‌ ڕۆڵى ئه‌نجوومه‌نه‌كه‌ له‌ پرۆسه‌ى سياسى و دانووستانه‌كاندا كرا.

نێچيرڤان بارزانى، جه‌ختى له‌ پێويستيى يه‌كڕيزى و لێكتێگه‌يشتنى لايه‌نه‌ كوردييه‌كان كرده‌وه‌ و دووپاتى كرده‌وه‌ كه هه‌رێمى كوردستان وه‌ك هه‌ميشه‌ پشتيوان و یارمه‌تیده‌ری پرۆسه‌ى دانووستانه‌كان ده‌بێت، هه‌روه‌ها پێكه‌وه‌ژيان و پاراستنى مافى هه‌موو پێكهاته‌كانى سووریای، به بنه‌ماى سه‌قامگيرى و پێشكه‌وتنى وڵاته‌كه‌ له‌قه‌ڵه‌مدا.‌

لەلایەكی دیكەوە: ده‌سته‌ى سه‌رۆكايه‌تیى ئەنەكەسە، پشتگیریی بەردەوامی هەرێمی كورستانی له‌ چاره‌سه‌ركردنى پرسى كورد له‌ سووريا بەرز نرخاند.

ئەوەش بزانە: دۆخى ناوچه‌كه‌ به‌گشتى و چه‌ند پرسێكى جێى بايه‌خى هاوبه‌ش، ته‌وه‌رێكى ديكه‌ى كۆبوونه‌وه‌كه‌ بوو.