ئەمریكا ئەو چەكانەی لە دەریای سوور دەستیان بەسەردا دەگرێت دەنێرێتە ئۆكراینا

ئاڤا نیوز

سوپای ئەمریکا لە ماوەی چوار مانگی ڕابردوودا، دەستی بەسەر پێنج هەزار چەکی جۆراوجۆر لە دەریای سووردا گرتووە و سەرجەمیان بۆ ئۆکراینا دەنێرێت.

وێنە گەورەکە: لە ماوەی چوار مانگی ڕابردوودا هێزەکانی ئەمریکا لە دەریای سوور دەستیان گرتووە بەسەر ژمارەیەکی زۆر چەک و تەقەمەنی و فیشەک و چەکی قورسدا، هەموو چەکانە” ئێرانین” و بۆ حووسییەکان نێردراون، سەرجەمیان بۆ ئۆکراینا دەنێرێت.

ژمارەکان وادەڵێن:

ژمارەی ئەو چەکانەی دەستیان بەسەردا گیراوە لە چوار مانگی ڕابردوودا
پێنج هەزار چەکی جۆراوجۆری کڵاشینکۆف و ئارپیچی
زیاتر لە 500 هەزار فیشەکی 7.62 ملم 
زیاتر لە 54 ئارپیچی نوێ

لێدوانی فەرمی: سەرکردایەتیی ناوەندی ئەمریکا ڕایگەیاند: ئەو بڕە چەک و تەقەمەنییە بەسە بۆ یەک لیوای ئۆکراینا، ئەم چەکانە یارمەتی ئۆکراینا دەدەن لە بەرگریکردن لە خۆیدا دژی داگیرکارییەکەی ڕووسیا”.

باکگراوند: لە حەوتی ئۆکتۆبەرەوە، کە شەڕ لە نێوان ئیسڕائیل و حەماسدا دەستیپێکردووە، حووسییەکان بە هاوکاری “ئێران” دەستیان بە هێرشی مووشەکی کردووە بۆ سەر کەشتییە سەربازی و بازرگانییەکانی ئەمریکا و بەریتانیا و ئەو وڵاتانەی کە پشتیوانی ئیسڕائیل دەکەن، ئەمریکا و بەریتانیاش ئۆپەراسیۆنێکی ئاسمانییان دژی حووسییەکان ڕاگەیاندووە.