سەرۆکوەزیران مەسرور بارزانی گەیشتە ئیمارات

ئاڤا نیوز

 

مەسرور بارزانی، سەرۆکوەزیرانی هەرێمی کوردستان گەیشتە ئیمارات و لەگەڵ بەرپرسە باڵاکانی وڵاتەکە کۆدەبێتەوە. دۆخی گشتیی عێراق و ناوچەکە تاوتوێ دەکەن.

 

چیرۆکی سەرەکی: ئێوارەی ئەمڕۆ پێنجشەممە 12-04-2025، مەسرور بارزانی، سەرۆکوەزیرانی هەرێمی کوردستان بە سەردانێکی فەرمی گەیشتە ئەبوزەبی پایتەختی وڵاتی ئیمارات، لەلایەن سەعید ئەلهاجری، وەزیری دەوڵەت لە وەزارەتی دەرەوەی وڵاتەکە پێشوازیی لێکرا.

 

ڕاگەیێنراوی فەرمی: ماڵپەڕی حکومەتی هەرێمی کوردستان بڵاوی کردەوە، سەرۆکوەزیرانی کوردستان لە سەردانەکەیدا کە چەند ڕۆژێک دەخایەنێت، لەگەڵ بەرپرسانی باڵای ئیمارات، پەرەپێدانی زیاتری پەیوەندی دوولایەنە، دوایین گۆڕانکاری و پەرەسەندنەکانی دۆخی گشتیی عێراق و ناوچەکە تاوتوێ دەکات.