گرژی لە نێوان دوو هێزی ئەمنی لە بازگەیەکی چەمچەماڵ ڕووی دا

ئاڤا نیوز

بە هۆی دروستبوونی گرژی لە نێوان دوو هێزی ئەمنی لە بازگەی بانی مەقانی چەمچەماڵ، ماوەی کاتژمێرێکە هاووڵاتییان تووشی ئاستەنگی هاتووچۆ بوونەتەوە.

چیرۆکی سەرەکی: بەرەبەیانی ئەمڕۆ شەممە لە بازگەی بانی مەقانی نزیک چەمچەماڵ گرژی لە نێوان دوو هێزی ئەمنیی دروست بووە، بە هۆیەوە هاووڵاتییان تووشی ئاستەنگی هاتووچۆ بوون و ڕێگای دەرچوونیان بەڕوو داخراوە. 

زانیاریی پەیامنێر: چۆمان مەحموود، پەیامنێری ئاڤا لە سلێمانی ڕایگەیاند: بە هۆی ئەوەی لە بازگەی بانی مەقان ئۆتۆمبێلێک کە چەکدارێکی هێزە ئەمنییەکانی تێدا بووە و ئامادە نەبووە پێناسەکەی نیشانی ئاسایش بدات، بە هۆیەوە گرژی دروستبووە و ڕووبەڕبوونەوە ڕووی داوە. 

- بە هۆی ئەو گرژییەی لە نێوان ئەو دوو هێزە ئەمنییە دروستبووە، نزیکەی یەک کاتژمێرە بازگەی بانی مەقان بە ڕووی هاتووچۆی شۆفێران داخرا و بووەتە هۆی دروستبوونی قەرەباڵغییەکی زۆر و ژمارەیەک زۆر هاووڵاتی لەو ڕێگایەدا ناتوانن جوڵە بکەن بەرەو سلێمانی و چەمچەماڵ.