لوک ئۆیل کێڵگە نەوتییەکانی عێراق بە ئەمریکا دەفرۆشێت

ئاڤا نیوز

کۆمپانیای لوک ئۆیلی ڕووسی پشکەکانی لە کێڵگە نەوتییەکانی عێراق، میسر و ئیمارات بە گرووپێکی ئەمریکی دەفرۆشێت تاوەکو لە سزاکانی واشنتن ڕزگاری ببێت.

ڕاگەیێنراوی فەرمی: بەگوێرەی ڕاگەیێنراوێکی فەرمیی، لوک ئۆیل ڕێککەوتنێکی لەگەڵ گرووپی "کارلایڵ"ـی ئەمریکی واژۆ کردووە بۆ فرۆشتنی تەواوی پشک و پڕۆژە دەرەکییەکانی، ئەمەش دوای ئەوە دێت کە کۆمپانیا ڕووسییەکە خراوەتە لیستی ڕەشی سزاکانی ئەمریکا.

ئەوەی پێویستە بیزانیت: جێبەجێکردنی ئەم بڕیارە مەرجدارە بە ڕەزامەندیی وەزارەتی گەنجینەی ئەمریکا تاوەکو پڕۆسەکە بە فەرمیی و یاسایی تەواو ببێت. ڕاگەیاندنی ئەم هەواڵە کاریگەریی ئەرێنیی هەبووە و بووەتە هۆی بەرزبوونەوەی بەهای پشکەکانی لوک ئۆیل لە بۆرسە جیهانییەکاندا، چونکە بازاڕ وەک هەنگاوێکی پارێزگاریی لە سەرمایەی کۆمپانیاکە تەماشای دەکات.

باکگراوند: واشنتن لە دوای جەنگی ئۆکرانیاوە سزای توندی بەسەر کۆمپانیا نەوتییەکانی ڕووسیادا سەپاندووە؛ لوک ئۆیل وەک یەکێک لە گەورەترین بەرهەمهێنەرانی نەوت لە عێراق، چەندین جار داوای مۆڵەتی کردبوو تاوەکو پشکەکانی بفرۆشێت و لەژێر فشاری دارایی ڕزگاری ببێت، کە دواجار توانی لەگەڵ لایەنی ئەمریکیی بگاتە ڕێککەوتن.