عێراق دەستی بە ڕێکارەکانی دابەشکردنی مووچەی مانگی یەکی فەرمانبەرانی خۆی کرد

ئاڤا نیوز

 

وەزارەتی دارایی عێراق دەستی بە وردبینی و خەرجکردنی مووچەی فەرمانبەران کردووە و دووپاتی دەکاتەوە کە بودجەی پێویست بە تەواوی ئامادەیە و هیچ گرفتێکی دارایی لە ئارادا نییە.

ڕاگەیێنراوی فەرمی: بەگوێرەی ڕاگەیێنراوێکی فەرمیی وەزارەتی دارایی عێراق، کارمەندانی وەزارەت لە ڕۆژانی پشووشدا بەردەوام دەبن لە کارکردن تاوەکوو پڕۆسەی دابەشکردنی مووچە بە خێرایی ئەنجام بدرێت و ڕێگری لە هەر جۆرە دواکەوتنێکی کاتی بگیریێت.

-وەزارەتی دارایی داوا لە هەموو فەرمانگەکان دەکات لیستەکان بە وردی بنێرن، چونکە هەر دواکەوتنێک لە ناردنی داتاکان، بەرپرسیارێتییەکەی دەکەوێتە ئەستۆی ئەو لایەنەی کە لە کارەکەیدا کەمتەرخەم بووە.

ئەوەی پێویستە بیزانیت: وەزارەتی دارایی دەڵێت، ئامانجی ئەم وردبینییە جێبەجێکردنی بڕیارەکانی حکومەتە بۆ بڕینی شایستە داراییەکانی خانەنشینی و باج، کە دواتر ڕاستەوخۆ بۆ خەزێنەی گشتی و سندووقی خانەنشینیی وڵات بە فەرمی دەگەڕێنرێتەوە.

 

دارایی عێراق داوا لە دەزگاکانی ڕاگەیاندن دەکات تەنیا پشت بە سەرچاوە فەرمییەکان ببەستن، تاوەکو زانیاریی نادروست بڵاونەبێتەوە و هاووڵاتییان لە دابینکردنی مووچەکانیان لە دڵنیا بن.

بە تەنیشت ئەم بابەتەوە: ئەو ڕاگەیێنراوەی وەزارەتی دارایی لە کاتێکدایە، جگە لە بەشێک لە هێزە ئەمنییەکان نەبێت، تاوەکوو ئێستا مووچەی مانگی یەکی مووچەخۆرانی هەرێمی کوردستان خەرج نەکراوە.