نرخی زێڕ لە بەرزبوونەوە بەردەوامە

ئاڤا نیوز

نرخی زێڕ لە بازاڕەکانی کوردستان و جیهان دا بەردەوام لە بەرزبوونەوەدایە، پسپۆڕانی بواری ئابووری بەشێک لە هۆکارەکانی بۆ دانەبەزینی سوی بانکی ئەمریکا دەگەڕێننەوە.

لێدوانی فەرمی: سەفین وەرتی، ئەندامی سەندیکای زێڕنگرانی هەولێر بە ئاڤای ڕاگەیاند: ئەمڕۆ لەگەڵ کردنەوەی بازاڕدا، تەنیا ئۆنسەیەک زێڕ 281 دۆلار و مسقاڵێک زێڕیش 55 هەزار دینار بەرزبووەتەوە.

زانیاریی زیاتر: نرخی زێڕ لە بازاڕەکانی کوردستان و جیهان بەم شێوەیە:

٠ یەک ئۆنسی زێڕ، پێنج هەزار و 555 دۆلارە
٠ مسقاڵێک زێڕ عەیار 22،  ملیۆنێک و 235 هەزار دینارە
٠ مسقاڵێک زێڕ عەیار 21، ملیۆنێک و 180 هەزار دینارە
٠ مسقاڵێک زێڕعەیار 18، ملیۆنێک و 10 هەزار دینارە

هۆکارە زانراوەکان: پسپۆڕانی بواری ئابووری هۆکارەکانی بەرزبوونەوەی زێڕ بۆ ئەم خاڵانە دەگەڕێننەوە:

٠ چاوەڕوانیەک هەبوو کە سوی بانکی لە کۆبوونەوەکەی ئەنجوومەنی یەدەگی فیدراڵی ئەمریکا کەمبکرێتەوە، بەڵام کەمنەکرایەوە، قسەکانی جیرۆم پاوڵیش کاریگەری لەسەر بەرزبوونەوەی سو هەبوو، بۆیە نرخی زێڕ بەرزبووەوە.

٠ لەسەر ئاستی نێودەوڵەتی بەهۆی قسەکانی دۆناڵد ترەمپ، سەرۆکی ئەمریکا بەهای دۆلار دابەزی، ئەمەش هۆکارێکی دیکەی بەرزبوونەوەی نرخی زێڕ بوو.

٠ هەڕەشەکانی دۆناڵد ترەمپ بۆ سەپاندنی پێناسی گومرگی بەسەر وڵاتانی ئەوروپا و کەنەدا و کۆریای باشوور.

٠ خواستی زۆر بۆ کڕینی زێڕ لەلایەن بانکە ناوەندییەکانی جیهان.

٠ هۆکارە جیۆسیاسییەکان.