وەزارەتی دارایی عێراق وردبینی لە لیستی مووچەی مانگی یەک دەستپێکرد

ئاڤا نیوز

لە بەغدا وردبینی لە لیستی مووچەی مانگی یەک دەستی پێ کرد و لەچەند ڕۆژی داهاتوو تەواو دەبێت.

چیرۆکی سەرەکی: ماوەی دوو ڕۆژە تیمی تەکنیکیی وەزارەتی دارایی و ئابووریی هەرێمی کوردستان، لیستی مووچەی بردووەتە بەغدا و ڕادەستی وەزارەتی دارایی عێراق کراوە، لە فەرمانگەی ژمێریاریی وەزارەتی دارایی حکومەتی فیدراڵی وردبینی بۆ دەکرێت.

لێدوانی فەرمی: سەرچاوەیەک لە وەزارەتی دارایی و ئابووری هەرێمی کوردستان؛ بە ئاڤای گوت، "وردبینی دەستیپێکردووە و لەماوەی چەند ڕۆژێکدا تەواو دەبێت.

لەلایەکی دیکەوە: لە عێراق دابەشكردنی مووچەی مانگی یەک بەر لە هەفتەیەک دەستیپێكردووە، بەڵام تا ئێستا تەنیا مووچەی دەزگا سەربازی و بەشێكی دەزگا ئەمنییەكان دابەشكراون، دواكەوتنی مووچە لە عێراق پەیوەندی هەیە بە ئەنجامدانی چەند ڕێكارێكی دارایی و كارگێڕی لەلایەك و تەواوكردنی قۆناغی كۆتایی تۆماركردنی ناوی فەرمانبەران و خانەنشینانی نوێ لە سیستەمی پەیڕۆڵ لەلایەكی دیكەوە.