بانکی خوێنی هەولێر: ئامادەین خوێن بۆ ڕۆژئاوا دابین بکەین

ئاڤا نیوز

بەڕێوەبەرایەتیی بانکی خوێنی هەولێر دووپاتی دەکاتەوە هەرکاتێک پێویست بکات ئامادەن خوێن بۆ ڕۆژئاوای کوردستان دابین بکەن، بۆ ئەم مەبەستەش ئامادەکارییان کردووە.

لێدوانی فەرمی: د. سانع ئەرگۆشی، بەڕێوەبەری بانکی خوێنی هەولێر بە ئاڤای گوت: "هەرکاتێک پێویست بکات ئێمە ئامادەین خوێن بۆ ڕۆژئاوای کوردستان ڕەوانە بکەین، بۆ ئەم مەبەستەش ئامادەکارییمان کردووە و لەگەڵ وەزارەتی تەندروستیی هەرێمی کوردستان و دەزگای خێرخوازیی بارزانی لە پەیوەندی بەردەوامین."

د. سانع باسی وتیشی: لە بەڕێوەبەرایەتیی بانکی خوێنی هەولێر یەدەگێکی باشی خوێن هەیە، هەر کاتێک پێویست بکات بەبێ هیچ هەڵمەتێکی خوێن بەخشین دەتوانن خوێن بۆ ڕۆژئاوا ڕەوانە بکەن.

زانیاریی زیاتر: بەڕێوەبەری بانکی خوێن دووپاتی دەکاتەوە. ساڵانە پیش هاتنی مانگی ڕەمەزان، یەدەگی خوێن زیاتر دەبێت، چونکە بەخشینی خوێن لەم مانگەدا کەم دەبێتەوە، بۆیە ئێستاش پێش هاتنی مانگی ڕەمەزانی "ئەمساڵ بڕێکی زۆر خوێنمان ئامادەکردووە، ئەگەر خوێن بۆ ڕۆژئاواش ڕەوانە بکەین کاریگەری لەسەر دابین کردنی خوێن بۆ نەخۆش و نەخۆشخانەکانی هەولێر نابێت."