بەغدا زیاتر لە 190 ملیار دینار پارەی ساڵی ڕابردووی جووتیارانی خەرج نەکردووە

ئاڤا نیوز

بەشێکی زۆری جووتیارانی هەرێمی کوردستان، شایستە داراییەکانی ساڵی 2025 ـیان وەرنەگرتووە و تا ئێستا هیچ بڕیارێک لە بەغداوە نییە بۆ خەرجکردنی پارەکە کە زیاترە لە 190 ملیار دینار.

 

وێنە گەورەکە: جووتیارانی هەر چوار پارێزگای هەرێمی کوردستان لەماوەی ساڵی 2025ـدا 390 هەزار تۆن گەنمیان لەڕێگەی سایلۆکانەوە ڕادەست کردووە، بەڵام بەشێکی کەمیان شایستە داراییەکانیان خەرج کراوە و دیار نییە کەی وەریدەگرن.

 

لێدوانی فەرمی: نەوزاد شێخ کامیل، بەڕێوەبەری گشتی بازرگانی، لە وەزارەتی بازرگانی و پیشەسازی بە ئاڤای گوت، "زیاتر لە 190 ملیار دینار شایستەی دارایی جووتیارانی هەرێمی کوردستان لای بەغدا ماوە، تاوەکوو ئێستا هیچ وادەیەکیان دیارینەکردووە بۆ ئەوەی پارەکە خەرج بکەن، ئەو جووتیارانەی ماون شایستە داراییەکانیان وەرگرن."

 

زانیاریی زیاتر: ئەمە لە کاتێدایە پێشتر وەزارەتی بازرگانی عێراق بە سێ قۆناغ بڕی 96 ملیار دیناری وەک شایستەی دارایی جووتیاران ڕەوانەی هەرێمی کوردساتان کردووە و بەسەر جووتیاران دابەش کراوە.