هۆکارەکانی گرانبوونی نرخی زێڕ و زیو ئاشکرا دەکرێت

ئاڤا نیوز

نرخی زێڕ و زیو لە بازاڕەکاندا بەردەوام لە بەرزبوونەوەدایە، پسپۆڕانی بواری دارایی و ئابوور هۆکارەکەی بۆ هەڕەشەکانی دۆناڵد ترەمپ وسەپاندنی باجی گومرگی بەسەر وڵاتاندا دەگەڕێننەوە.

چیرۆکی سەرەکی: بە بەراورد بە ڕۆژی دووشەممە، ئەمڕۆ لە بازاڕەکانی کوردستان دا یەک مسقاڵ زێڕ 48 هەزار دینار و یەک ئۆنسە زێڕیش 17 دۆلار بەرزبووەتەوە. هاوکات تەنیا لە ماوەی ئەم 27 ڕۆژی سەرەتای ئەمساڵ دا، یەک کیلۆ زیو دوو هەزار و 500 دۆلار لە نرخەکەی بەرزبووەتەوە.

لێدوانی فەرمی: وریا عەلی، ئەندامی سەندیکای زێڕنگرانی هەولێر دەڵێت: "لە 1ی ئەم مانگەوە تاوەکو ئەمڕۆ سێشەممە، یەک مسقاڵ زێڕ 220 هەزار دینار و یەک ئۆنسە زێڕیش 700 دۆلار لە نرخەکەیان بەرزبووەتەوە."

زانیاریی زیاتر: ئێستا یەک کیلۆ زیو لە بازاڕەکانی کوردستان دا بە حەق دەستەوە بە پێنج هەزار و 200 دۆلار مامەڵەی پێوە دەکرێت، واتە هەزار دۆلار لە نرخی بۆرسەی جیهان بەرزترە، چونکە خواستێکی زۆر لەسەر کڕینی زیو هەیە.

لەلایەکی دیکە: سەبارەت بە هۆکارەکانی بەرزبوونەوەی نرخی زێڕ و زیو لە بازاڕەکانی جیهاندا، د.کامەران قادر، پسپۆڕی بواری دارایی و ئابووری بە ئاڤای وت: "دۆناڵد ترەمپ سەرۆکی ئەمریکا باجی گومرگی لەسەرەتای دەستبەکاربوونیەوە ناساندووە و بەسەر وڵاتانی سەپاندووە، بەنموونە کەنەدا ڕێککەوتنی بازرگانی ئازادی لەگەڵ چین و مەکسیک هەبوو، بەڵام ترەمپ تێکی دا."

ئەوەی پێویستە بیزانیت: بەگوێرەی ڕاپۆەرتەکان ئێستا کەنەدا لەگەڵ چین و وڵاتانی دیکە ڕێککەوتن دەکەم، دۆناڵد ترەمپیش هەڕەشەی ئەوەی کردووە کە باجی گومرگی 100٪ بەسەر ئەو کاڵایانەی کەنەدا دەسەپێنێت کە هەناردەی ئەمریکا دەکرێت، ئەمە شەڕی بازرگانییە و مەترسی گەورەی لەسەر ئابووری ئەمریکا و کەنەدا دروست دەکات، بۆیە هۆکاری سەرەکی بەرزبوونەوەی نرخی زێڕیشە لە بازاڕەکانی جیهاندا.

ئەمەش بزانە: شارەزایانی ئابووری پێیانوایە، هەڕەشەکانی دۆناڵد ترەمپ و سەپاندنی باجی گومرگی مەترسی لەسەر نرخی دراوەکان و گەشەی ئابووری وڵاتانیش دروست کردووە، لەبەرامبەردا نرخی زێڕ و زیوی زیاتر بەرزکردووەتەوە. دۆناڵد ترەمپ هەڕەشەیەکی دیکەی بۆ سەپاندنی باجی گومرگی بەسەر دەرمان، ئۆتۆمبێل، دار و تەختەی کۆریای باشوور کرد، ئەمەش دۆخەکەی بەتەواوی تێکدا و نرخی زێڕی ئەوەندەی دیکە بەرزکردەوە.

٠ ئەمڕۆ نرخی زێر و زیو لە بازاڕەکاندا بەم جۆرە بووە:

٠ ئۆنسەیەک زێڕ بە پێنج هەزار و 100 دۆلارە

٠ یەک ئۆنسە زیو بە پێنج هەزار و 200 دۆلارە

٠ مسقاڵێک زێڕ عەیار 22 بە یەک ملیۆن و 178 هەزار دینارە

٠ مسقاڵێک زێڕ عەیار 21 بە ملیۆنێک و 125 هەزار دینارە 

٠ مسقاڵێک زێڕعەیار 18 بە 965