ڕاگەیێنراوێکی خێرا لە هەسەدە لەبارەی هێرشکردنە سەر کۆبانێ

ئاڤا نیوز

ناوەندی ڕاگەیاندنی هێزەکانی سووریای دیموکرات ڕایدەگەیێنێت، گرووپە چەکدارەکانی سەر بە سوپای عەرەبی سووریا بە 7 درۆنی بۆمبڕێژکراو و تۆپبارانی چڕ چەندین ناوچەی نیشتەجێبوونیان لە حەسەکە و کۆبانی کردووەتە ئامانج.

 

وێنە گەورەکە: ئەمڕۆ سێشەممە ڕەزوان بیزار، پەیامنێری ئاڤا لەناو کۆبانێ ڕایگەیاند: گرووپە چەکدارەکان هێزێکی زۆریان کۆکردۆتەوە و هەموو جۆرە چەکێکی قورسیان پێیە، لە گوندەکانی چەلەبییە، قاسمییە، زیرک، گرێ شیوخ، بەدرخان، شارۆچکەی شێخ لەر و لە سێ قۆڵەوە هێرشیان دەستپێکردووە.

- گرووپە چەکدارەکان ژمارەیەکی زۆر درۆنی خۆکوژی بەکاردەهێنن، یەپەگە و یەپەژە بەتووندی وەڵامی هێرشەکان دەداتەوە. ئاسایشی ناوخۆ گەڕاونەتەوە ناو سەنتەری کۆبانێ بەهۆی ئەوەی چەکی قورسیان پێنییە، سەنگەرەکانیان بەتەمای یەپەگە و یەپەژە کردوون.

 

ڕاگەیێنراوی فەرمی: ناوەندی ڕاگەیاندنی هێزەکانی سووریای دیموکرات (هەسەدە) بڵاوی کردەوە، گرووپەکانی سەر بە سوپای عەرەبیی سووریا لە هەنگاوێکی مەترسیداردا کە نیشانەی بەردەوامیی گرژییەکانە، بە حەوت فڕۆکەی بێفڕۆکەوانی بۆمبڕێژکراو هێرشیان کردە سەر گوندی "باقلە" لە باشووری چل ئاغا.

 

- هەر بە گوێرەی ڕاگەیێنراەوەکەی هەسەدە، ئەم هێرشە هاوکاتە لەگەڵ کۆکردنەوەی هێز و پەلاماردانی گوندەکانی "قاسمە" و "زەرکۆتک" لە ڕۆژئاوای کۆبانێ، جگە لە تۆپبارانکردنی دەوروبەری گوندی "سەفا" لە باشووری چل ئاغا.

- هەسەدە دەشڵێت: ئەم جوڵانە پەرەسەندنی شەڕ لە چەند قۆڵێکی جیاواز نیشان دەدەن و ئاماژە بەوەش دەدات ئەم هێرشانە بە پێشێلکارییەکی ڕوون و ئاشکرای ڕێککەوتنی ئاگربەست و لێکتێگەیشتنەکان دادەندرێن. ئەم کارانە ئاستی ئاڵۆزییەکان بەرز دەکەنەوە و هێزەکانمان ناچار دەکەن مافی خۆیان بۆ بەرگری لە شەڕڤانان و خەڵکی ناوچەکە بەکاربهێنن.

 

نوێ دەکرێتەوە..