نەتەوە یەکگرتووەکان بودجەی یارمەتییە مرۆییەکان کەم دەکاتەوە

ئاڤا نیوز

نەتەوە یەکگرتووەکان ڕەخنە لە "بێباکی" وڵاتانی جیهان سەبارەت بە نەهامەتییە مرۆییەکان دەگرێت و دەڵێت وەک پێویست بە دەم یارمەتیدانی زیانلێکەوتووانەوە نین.

وێنە گەورەکە: بەهۆی کەمیی پێشکەشکردنی یارمەتی لەلایەن وڵاتانەوە، نەتەوە یەکگرتووەکان بە ناچاری  بودجەی یارمەتییە مرۆییەکان کەم دەکاتەوە.

لێدوانی فەرمی: تۆم فلێچەر، بەرپرسی مرۆیی نەتەوە یەکگرتووەکان ڕایگەیاند، "ئەمە سەردەمی دڕندەیی و بێ سزایی و بێباکییە و  بێبایەخکردنی تەواوەتیی یاسا نێودەوڵەتییەکانە.

زانیاریی زیاتر: نەتەوە یەکگرتووەکان پلانی هەیە بۆ کۆکردنەوەی لانیکەم 23 ملیار دۆلار بۆ یارمەتیدانی 87 ملیۆن کەس لە مەترسیدارترین شوێنەکانی جیهان وەک غەززە، ئۆکرانیا، سوودان، هایتی و میانمار. ئەمەش بەشێکە لە پلانێکی گەورەتر بۆ کۆکردنەوەی 33 ملیار دۆلار بۆ یارمەتیدانی 135 ملیۆن کەس لە ساڵی 2026ـدا.

ئەمەش بزانە: ئەمریکا یەکێکە لەو وڵاتانەی یارمەتییەکانی خۆی بە ڕێژەیەکی بەرچاو کەم کردووەتەوە.