بەهۆی کۆبوونەوەی ئاو لە سلێمانی ژمارەیەک ئۆتۆمبێل ژێرئاو کەوتوون

ئاڤا نیوز

بەهۆی بەردەوامیی بارانبارین و کۆبوونەوەی ئاو لە شەقامی بازنەیی مەلیک مەحموود، لە نزیک چوارڕیانی سەرچنار ژمارەیەک ئۆتۆمبێل ژێرئاو کەوتوون.

وێنە گەورەکە: ماوەی 24 کاتژمێرە شەپۆلێکی بارانبارینی تووند ڕووی لە هەرێمی کوردستان کردووە، لە بەشێک لە ناوچەکان ئاستی ئاو بەڕێژەیەکی بەرچاو بەرزبووەتەوە و لافاو دروست بووە. لە قەزای چەمچەماڵ بەهۆی لافاوەوە دوو کەس گیانیان لەدەستداوە.

زانیاریی زیاتر: بەشێک لەو هاووڵاتییانەی لەو شەقامە گیریانخواردووە، داوای هاوکاریی خێرا لە لایەنە پەیوەندیدارەکان دەکەن و داوای بەهاناوە چوون دەکەن. 

لێدوانی فەرمی: هەڤاڵ ئەبوبەکر، پارێزگاری سلێمانی لە ڕێگەی ئاڤاوە بانگەوازێکی بەپەلەی ئاراستەی هاووڵاتییان کرد و گوتی: داوا لە هاونیشتمانیان دەکەم بۆ کاری زۆر پێویست نەبێت لە ماڵەکانیان نەیەنە دەرەوە.