لەبارەی پێکدادانەکانی کەمبۆدیا و تایلەند ترەمپ هاتە دەنگ

ئاڤا نیوز

گرژییەکانی نێوان هەردوو وڵاتی کەمبۆدیا و تایلەند پەرەدەسێنێت و سەرۆکی ئەمریکا ئاشكرای دەکات، بەنیازە دەستوەردان لە پێکدادانەکان بکات.

چیرۆکی سەرەکی: کەمۆبدیا و تایلەند دەستیان بە هێرشەکانیان کردووەتەوە و هەردوولا یەکتر بە پێشێلکردنی ئەو ئاگربەستەی کە لەلایەن ئەمریکاوە پاڵپشتی دەکرێت تۆمەتبار دەکەن.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، دەبێت پەیوەندیی تەلەفۆنی لەگەڵ سەرکردەکانی هەردوو وڵات بکەم.

ژمارەکان وا دەڵێن: کەمبۆدیا ئاشکرای کردووە لە ئەنجامی ئەم گرژییانە تاوەکو ئێستا 9 هاووڵاتیی مەدەنی کوژراون و 20 کەسیش بریندار بوون، تایلەندیش ڕایگەیاندووە، چوار سەرباز کوژراون و 68 سەربازی دیکەش برینداربوون.