بەهۆی لافاو ڕێگایەکی سەرەکی سنووری گەرمیان دادەخرێت

ئاڤا نیوز

بەهۆی لافاو، دەروازەی ڕێگای کفری – کەلار داخرا، قایمقامیەتی قەزای کفری داوا لە هاونیشتمانیان دەکات پابەندی ڕێنماییەکان بن.

چیرۆکی سەرەکی: ڕۆژی سێشەممە لافاو لە سنووری چەمچەماڵ و چەند ناوچەیەکی دیکەی سنووری ئیدارەی سەربەخۆی گەرمیان و پارێزگای کەرکووک دروست بوو، بەهۆی بەردەوامی شەپۆلە باران بارینەکە هێشتا مەترسی دروست بوونی لافاو لە چەند ناوچەیەک لە گەرمیان و هەڵەبجە هەیە.

ئەوەی ئێستا ڕوودەدات: بەهۆی لافاو ڕێگەی دەروازەی کفری – کەلار داخرا و بەهیچ شێوەیەک ڕێگە بە هاتووچۆی ئۆتۆمبێل نادرێت.

ڕاگەیێنراوی فەرمی: قایمقامیەتی قەزای کفری دووپاتی دەکاتەوە، لەبەر سەلامەتی گشتی ئەو ڕێگایە داخراوە و ڕێگە بە هاتووچۆی ئۆتۆمبێل نادرێت، داواش لە هاونیشتمانیان دەکات پابەندی ڕێنماییەکان بن.