لەسەر فەرمانی سوودانی سەنتەرێکی پێشکەوتوو بۆ لێقەوماوانی لافاو دەکرێتەوە

ئاڤا نیوز

فەرماندەی گشتیی هێزە چەکدارەکانی عێراق فەرمان دەدات بە کردنەوەی بنکەیەکی پێشکەوتووی بەڕێوەبردنی قەیران و کارەساتەکان لە نێوان پارێزگاکانی کەرکووک و سەڵاحەددین، بە ئامانجی پێشکەشکردنی پاڵپشتی بەو هاووڵاتی و ناوچانەی بەهۆی لافاوەکانەوە زیانیان بەرکەوتووە.

وێنە گەورەکە: لە 24 کاتژمێری ڕابردوودا شەپۆلێکی بەهێزی بارانبارین هەرێمی کوردستانی گرتووەتەوە و لە چەند شوێنێک بووە هۆی دروستبوونی لافاو بەتایبەت لە چەمچەماڵ و سنووری پارێزگای سلێمانی و ئیدارەی سەربەخۆی گەرمیان. هاوکات کەشناسیی کوردستان هۆشداری ئەوە دەدات لە 24 کاتژمێری داهاتوودا لە گەرمیان و پارێزگای هەڵەبجە مەترسیی دروستبوونی لافاو هەیە.

ڕاگەیێنراوی فەرمی: بەگوێرەی ڕاگەیێنراوی شانەی ئەمنی لە فەرماندەیی ئۆپەراسیۆنە هاوبەشەکان، فەرماندەی گشتیی هێزە چەکدارەکان بە وریاییەکی زۆرەوە لەگەڵ لایەنە پەیوەندیدارەکان، بەدواداچوونی بۆ دۆخی هاووڵاتیان و ئەو ناوچانە کردووە کە شەپۆلێکی بارانبارین و لافاویان تێدا ڕوویداوە، کە بووە هۆی ژێرئاوکەوتن و زیانپێگەیشتنی چەندین ناوچە و گەمارۆدانی ژمارەیەک هاووڵاتی، بەتایبەت لە پارێزگاکانی کەرکووک، سەڵاحەددین، هەولێر، سلێمانی و ناوچەکانی دیکە.

ئەوەی پێویستە بیزانیت: فەرماندەییەکە فەرمانی بە دابینکردنی فڕۆکەی فەرماندەیی هێزی ئاسمانیی سوپا کردووە بۆ ئەنجامدانی ئۆپەراسیۆنەکانی ڕزگارکردن هەر کاتێک کەشوهەوا باشتر بوو. هەروەها دابینکردنی هەموو ئەو پێداویستییانەی کە جموجۆڵی هاووڵاتیان لەو ناوچانەدا ئاسان دەکات.