سبەی لە کەرکووک کرایە پشووی فەرمی

ئاڤا نیوز

 

ڕێبوار تەها، پارێزگاری کەرکووک بڕیاری دا سبەی پێنجشەممە دەوامی فەرمی لە سەرجەم قوتابخانە، کۆلێژ و فەرمانگەکان ڕابگیرێت و  بکرێتە پشوو.

 

وێنە گەورەکە: ئەم بڕیارە لە کاتێکدایە شەپۆلێکی بەهێزی بارانبارین لە 24 کاتژمێری ڕابردوودا عێراق و ناوچەکەی گرتووەتەوە، ئەمەش بووەتە هۆی دروستبوونی ئاستەنگی بۆ هاتووچۆ و مەترسیی لەسەر ژیانی هاووڵاتیان بەهۆی دروستبوونی لافاو لە چەند پارێزگایەکی جیاجیای عێراق و هەرێمی کوردستان.

 

لێدوانی فەرمی: پارێزگاری کەرکووک بە ئاڤای ڕایگەیاند: "بەهۆی خراپیی کەشوهەواوە، بڕیارماندا دەوامی فەرمی لە فەرمانگەکانی پارێزگا و قوتابخانە و کۆلێژەکان ڕابگرین.

 

گوتیشی، تیمە خزمەتگوزارییەکان لە کەرکووک بەردەوام دەبن و شانەی قەیران و کارەساتەکانیش لەسەر کارەکانیان دەبن.