زیاتر لە هەزار و 600 تۆن بەرهەمی جووتیارانی دهۆک ڕەوانەی ئەوروپا کراوە

ئاڤا نیوز

پرۆسەی بەبازاڕکردنی بەرهەمی جووتیاران لە بازاڕەکانی جیهان بەردەوامە، لەو چوارچێوەیە ئەمساڵ سەدان تۆن بەرهەمی سماق و هەنجیر، ڕەوانەی بازاڕەکانی ئەوروپا کراوە.

وێنە گەورەکە: کابینەی نۆیەمی حکومەتی هەرێمی کوردستان، پەرەی بە بووژاندنەوەی کەرتی کشتوکاڵی و پاڵپشتی بەرهەمی خۆماڵیی جووتیاران داوە، جگە لە بەرهەمی دانەوێڵە ڕۆژانە سەدان تۆن بەرهەمی خۆماڵی ڕەوانەی پارێزگاکانی عێراق، وڵاتانی کەنداو و جیهان دەکرێت.

لێدوانی فەرمی: ئەحمەد جەمیل، بەڕێوەبەری گشتیی کشتوکاڵی دهۆک بە ئاڤای گوت، "له‌ماوه‌ى 11 مانگى ئەمساڵ زیاتر لە هەزار و 661 تۆن له‌ به‌روبومى خۆماڵى كه‌ برنجی کوردی، سماق، هەنجیری وشکراو، مێوژ و فستق لەخۆگرتووە هه‌ناردەی تورکیا کراوە، لەوێشەوە بۆ بازاڕەکانی ئەوروپا دەچێت."

ژمارەکان وادەڵێن: ئاماری 11 مانگی بەرهەمی هەناردەکراوی جووتیارانی سنووری پارێزگای دهۆک بۆ تورکیا و وڵاتانی ئەوروپا، بەمشێوەیە:-

٠ برنجی کوردی: 71 تۆن
٠ سماق: هەزار و 589 تۆن
٠ هەنجیری وشککراو: 150 کیلۆگرام
٠ مێوژ: 250 کیلۆگرام
٠ فستق: هەزار و 250 کیلۆگرام