کارکردنی پرۆژەکانی ئاو ئاسایی بووەتەوە؛ ئاو بێ کێشە دەگاتە ماڵان

ئاڤا نیوز

دوای نەمانی لێڵی لە ئاوی زێی گەورە، کارکردن و بەرهەمهێنان لە پرۆژەکانی ئاوی سەر زێی گەورە ئاسایی بووەتەوە و ئاوی خواردنەوە بەشێوەی ئاسایی دەگاتە هەولێر.

وێنە گەورەکە: دوای جێەجێکردنی پرۆژەی فریاگوزاریی خێرای گەیاندنی ئاو بۆ شاری هەولێر، لەگەڵ سێ پرۆژەی ئاوی ئیفراز، ئاوی خواردنەوە بۆ شاری هەولێر و بەشێکی زۆری دەوروبەری شاری هەولێر دابین دەکەن.

لێدوانی فەرمی: ڕابەر حوسێن، بەڕێوەبەری ئاوی هەولێر، بە ئاڤای گوت: دوای بەرزبوونەوەی ئاستی لێڵی ئاوی زێی گەورە و زۆری قوڕ و لیتە لە ناو ئاوی زێی گەورە، ئاستی بەرهەمهێنانمان لە پرۆژەکانی ئاوی سەر ئەو زێیە کەم کردەوە، دوای 12 بۆ 13 کاتژمێر، جارێکی دیکە ئاستی بەرهەمهێنانمان بەرزکردەوە و بەرهەمهێنان لەو پرۆژانە ئاسایی بووەتەوە و ئاوی خواردنەوە بەشێوەی ئاسایی دەگاتە هەولێر.

باکگراوند: شەوی دووشەممە لەسەر سێشەممەی ئەم هەفتەیە، زۆری بڕی باران بارین بووە هۆی بەرزبوونەوەی ئاستی لێڵی ئاوی زێی گەورە، بۆیە ئاستی بەرهەمهێنان لە پرۆژەکانی ئاو لەسەر زێی گەورە کەمکرایەوە.