ئەمریکا دەستی بەسەر کەشتییەکدا گرت کە نەوتی ڤەنزوێلا و ئێرانی دەگواستەوە

ئاڤا نیوز

 

ئەمریکا دەستی بەسەر کەشتییەکی نەوتهەڵگردا گرت لە کەناراوەکانی ڤەنزوێلا کە "بە نایاسایی نەوتی ڤەنزوێلا و ئێرانی دەگواستەوە" لەبەرامبەردا ڤەنزوێلا ئەم کردەوەیە وەک "دزییەک"ـی ڕاستەوخۆ ناودەبات.

 

چی ڕوودەدات:  لە دوایین هەوڵەکانی ئیدارەی ترەمپ بۆ فشار خستنەسەر حکومەتی ڤەنزوێلا کە -ئەمریکا بە تۆمەتی تیرۆر و بازرگانیکردن بە ماددە هۆشبەرەکان تۆمەتبار دەکات- واشنتن دەستی بەسەر کەشتییەکی نەوتهەڵگردا گرتووە لە کەناراوەکانی ڤەنزوێلا.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، ئێمە تازە دەستمان بەسەر کەشتییەکی نەوتهەڵگردا گرتووە لە کەناراوەکانی ڤەنزوێلا، تانکەرێکی زەبەلاحە و لە ڕاستیدا گەورەترین تانکەرە کە تا ئێستا دەستی بەسەردا گیراوە.

 

بۆچوونی لایەنی بەرامبەر: حکومەتی ڤەنزوێلا ئەمریکای تۆمەتبار کرد بە ئەنجامدانی "دزییەکی ڕاستەوخۆ" و ڕایگەیاندووە بە ئیرادەیەکی ڕەها بەرگری لە سەروەری و سامانە سروشتییەکان و کەرامەتی نیشتمانی خۆی دەکات.