ئۆکراینا و ڕووسیا لە هێرشکردن بەردەوامن

ئاڤا نیوز

سەرەڕای هەوڵە دیپلۆماسییەکان بۆ ڕاگرتنی شەڕی نێوان ڕووسیا و ئۆکراینا بەڵام هێرشەکانی هەردوولا بۆ سەر پێگەی یەکتری بەردەوامن و ئۆکراینا هێرشێكی درۆنی بەرفراوان بۆ سەر پێگەکانی ڕووسیا ئەنجام دەدات.

ڕاگەیێنراوی فەرمی: وەزارەتی بەرگریی ڕووسیا ڕایدەگەینێت: 287 درۆنی ئۆکراینی لەلایەن بەرگریی ئاسمانیی وڵاتەکەوە خراونەتە خوارەوە، بە یەکێک لە گەورەترین ژمارەی درۆن لە یەک شەودا لە ماوەی نزیکەی چوار ساڵی شەڕدا ناو دەبات.

زانیاریی زیاتر: وەزارەتە دەشڵێت، لەو ژمارانە کە ڕێگرییان لێکراوە 32 درۆن بەرەو مۆسکۆ ڕۆیشتوون.

لەلایەکی دیکەوە: بەرپرسانی شاری پۆلتاڤاـی ئۆکراینا ڕایگەیاند، ڕووسیا لە شەوێکدا هێرشی کردووەتە سەر دامەزراوە ناوخۆییەکانی وزە، دەشڵێت لە چەند مانگی ڕابردوودا ڕووسیا ژمارەیەکی پێوانەیی فڕۆکەی بێفڕۆکەوان و مووشەکی ئاراستەی ئۆکراینا کردووە.