کۆشکی سپی: ترەمپ لە مۆسکۆ و کیێڤ زۆر بێزارە و داوای کردار دەکات نەک قسە

ئاڤا نیوز

کۆشکی سپی ڕایدەگەیێنێت، ترەمپ لەڕادەبەدەر ناڕازییە لە هەڵوێستەکانی کیێڤ و مۆسکۆ سەبارەت بە پلانی کۆتاییهێنان بە جەنگی ئۆکراینا.

وێنە گەورەکە: دۆناڵد ترەمپ، سەرۆکی ویلایەتە یەکگرتووەکانی ئەمریکا تووڕەیی و بێزاریی تووندی خۆی بەرامبەر بە هەردوو حکومەتی ئۆکراینا و ڕووسیا دەربڕیوە، ئەوەش بەهۆی سستی و شکستخواردنی دانوستانەکان بۆ کۆتاییهێنان بە جەنگ.

لێدوانی فەرمی: کارۆلین لیڤیت، وتەبێژی کۆشکی سپی بە ڕۆژنامەنووسانی ڕاگەیاند: سەرۆک لە هەردوو لایەنی ئەم جەنگە زۆر بێزار و نیگەرانە، لیڤیت ئاماژەی بەوەشکرد کە سەبر و تەحەمولی سەرۆکی ئەمریکا بەرامبەر بەو دۆخە نەماوە و وتی: ترەمپ چیتر قسەی ناوێت، بەڵکو کرداری دەوێت، ئەو دەیەوێت ئەم جەنگە کۆتایی پێ بێت.

زانیاریی زیاتر: ئەم لێدوانانەی کۆشکی سپی لە کاتێکدایە کە هەوڵە دیپلۆماسییەکان بۆ ڕاگرتنی شەڕی نێوان ڕووسیا و ئۆکراینا، کە نزیکەی چوار ساڵە بەردەوامە، گەیشتوونەتە بنبەست و دانوستانەکان هیچ ئەنجامێکیان لێ نەکەوتووەتەوە.