ڕووسیا کۆنترۆڵکردنی شارێکی گرنگی ئۆکراینای ڕاگەیاند

ئاڤا نیوز

سوپای ڕووسیا ڕایگەیاند دەستی بەسەر تەواوی شاری 'سیڤێرسک'دا گرتووە، کە شارێکی گرنگی ئۆکرانیایە لە ناوچەی دۆنێتسک لە ڕۆژهەڵاتی ئەو وڵاتە.

چیرۆکی سەرەکی: لە چەند هەفتەی ڕابردوودا شەڕ و پێکدادانەکان لەم شارە زیاتر بوون و ڕۆژی پێنجشەممە، 11-12-2025، ڕووسیا کۆنترۆڵکردنی تەواوەتیی شارەکەی ڕاگەیاند.

ئەوەی پێویستە بیزانیت: پێشڕەوییەکانی ڕووسیا لە کاتێکدان کە بەگوێرەی پلانی ترەمپ بۆ ئاشتیی ئۆکراینا، دەبێت ئۆکراینا دەستبەرداری بەشێک لە خاکی خۆی بێت و بیدات بە ڕووسیا. ڕووسیا ڕایگەیاندووە مۆسکۆ ئامادەیە شەڕ بکات بۆ دەستبەسەرداگرتنی هەموو ئەو زەوییانەی ڕۆژهەڵاتی ئۆکرانیا ئەگەر کیێڤ وازیان لێ نەهێنێت وەک بەشێک لە ڕێککەوتنی ئاشتی.

باکگراوند: لە شوباتی 2022ـەوە شەڕی نێوان ڕووسیا و ئۆکراینا بەردەوامە و ڕووسیا نزیکەی 20٪ـی خاکی ئۆکراینای کۆنترۆڵ کردوە.