یەکێتیی وەبەرهێنەرانی کوردستان پشتیوانی لە کامپینەکەی ئاڤا میدیا دەکات

ئاڤا نیوز

یەکێتیی وەبەرهێنەرانی کوردستان هەڵمەتی هاوکاری بۆ لێقەوماوانی شاری چەمچەماڵ و دەورووبەری ڕاگەیاند و داوا لە وەبەرهێنەران دەکات لە ڕێگەی کامپەینی ئاڤا میدیاوە هاوکارییەکانیان بگەیەنن بە زیان لێکەوتووان. 

چیرۆکی سەرەکی: ڕۆژی 9-12-2025، شەپۆلێکی چڕی بارانبارین ڕووی لە ناوچە جیاوازەکانی هەرێمی کوردستان کرد، بەهۆیەوە لە سنووری قەزای چەمچەماڵ لافاو دروستبوو، سەرەڕای زیانی گیانی، بەهۆیەوە سەدان ماڵ بە تەواوی کەلوپەلەکانیان لەدەستدا، سەدان دووکان زیانیان پێگەیشت و چەندین فەرمانگەی حکومیش زیانیان پێگەیشت.

لێدوانی فەرمی: ئەحمەد ڕێکانی، سەرۆکی یەکێتیی وەبەرهێنەرانی کوردستان بە ئاڤای گوت، ئێمە وەک وەبەرهێنەرانی کوردستان ئامادەیی خۆمان دەردەبڕین بۆ بەهاناوەچوون و هاوکاریکردنی زیانلێکەوتووانی لافاوەکەی ئەم هەفتەیەی سنووری قەزای چەمچەماڵ و کەمپینێکی هاوکاریمان ڕاگەیاندووە بۆ کۆکردنەوەی هاوکارییەکانی وەبەرهێنەران، کەمپینەکەی ئاڤاشمان هەڵبژاردووە بۆ گەیاندنی هاوکارییەکان، داوا لە  وەبەرهێنەران، سەرمایەداران و بازرگانانی هەرێمی کوردستان دەکەین هاوکارییە ماددی و پێداویستییەکانی ژیانی ڕۆژانە بگەیەننە ئۆفیسی سەرەکی ئاڤا میدیا.