دوای شەش ڕۆژ جەنگ؛ ترەمپ ئاگربەستی نێوان تایلەند و کەمبۆدیای ڕاگەیاند

ئاڤا نیوز

دوای ئەنجامدانی پەیوەندییەکی تەلەفۆنی لەگەڵ سەرۆککوەزیرانی تایلەند و کەمبۆدیا، دۆناڵد ترەمپ، سەرۆکی ئەمریکا ڕایگەیاند، هەردوو وڵات ڕێککەوتوون لەسەر وەستاندنی جەنگ.

 

چیرۆکی سەرەکی: جەنگ و پێکدادانەکانی ئەم هەفتەیەی نێوان تایلەند و کەمبۆدیا بووە هۆی کوژرانی لانیکەم 20 کەس و ئاوارەبوونی سەدان هەزار هاووڵاتی. جەنگ ڕۆژی هەینی پێی نایە شەشەمین ڕۆژییەوە، ئەمەش دوای ئەوەی لە مانگی حەوتدا ڕابردوودا بەهۆی پێکدادانەکانەوە 43 کەس کوژران و نزیکەی 300 هەزار کەس ئاوارە بوون.

 

بڵاوکراوەی فەرمی: ترەمپ لە تۆڕی کۆمەڵایەتیی ترووس سۆشیاڵ نووسیوویەتی، "گفتوگۆیەکی نایابم لەگەڵ ئەنوتین چارنڤیراکولو، سەرۆکوەزیرانی تایلەند و هون مانیت، سەرۆکوەزیرانی کەمبۆدیا هەبوو سەبارەت بە دەستپێکردنەوەی جەنگی درێژخایەنی نێوانیان، کە جێگەی داخە.

 

-ترەمپ دەشڵێت، هەردوو وڵاتەکە ڕازی بوون بە ڕاگرتنی تەواوەتی شەڕ و ئاگربەست لە ئەمشەوەوە، هەروەها گەڕانەوە بۆ ڕێککەوتنی ئاشتیی کە پێشتر بە نێوەندگیری من و ئەوان و بە هاوکاری ئەنوەر ئیبراهیم، سەرۆکوەزیرانی مالیزیا کرابوو.