ئەڵمانیا هێز ڕەوانەی پۆڵەندا دەکات

ئاڤا نیوز

ئەڵمانیا ڕایگەیاند، کۆمەڵێک سەرباز ڕەوانەی پۆڵەندا دەکات بۆ هاوکاریکردنی پرۆژەیەک بۆ بەهێزکردنی سنووری ڕۆژهەڵاتی ئەو وڵاتە.

 

لێدوانی فەرمی: وتەبێژی وەزارەتی بەرگریی ئەڵمانیا ڕایگەیاند، ئەرکی سەرەکیی سەربازە ئەڵمانییەکان لە پۆڵەندا "چالاکی ئەندازیاری" دەبێت و دروستکردنی قەڵا، هەڵکەندنی خەندەق، دانانی تەلی دڕکاوی، یان دانانی بەربەست لەخۆبگرێت.

 

وێنە گەورەکە: لەگەڵ بەردەوامیی شەڕی نێوان ڕووسیا و ئۆکرانیا، نیگەرانییەکان لەبارەی هەڕەشەی ڕووسیا لەسەر وڵاتانی دیکەی ئەوروپا زیاتر بووە.

 

زانیاریی زیاتر: پۆڵەندا کە لایەنگرێکی بەهێزی ئۆکرانیایە لە شەڕی دژی ڕووسیا، مانگی ئایاری ساڵی ڕابردوو پلانەکانی بۆ بەهێزکردنی بەشێکی درێژی سنوورەکانی ڕاگەیاند کە سنوورەکانی لەگەڵ بێلاڕووس و کالینینگرادی ڕووسیا لەخۆدەگرێت.

 

ئەمەش بزانە: ژمارەی سەربازەکان لە 100 سەرباز کەمتر دەبن و بڕیارە لە چارەکی دووەمی ساڵی 2026 تا کۆتایی ساڵی 2027 بەشداری پڕۆژەکە بکەن.