پۆلیسی ئوسترالیا لەبارەی ئەنجامدەرانی هێرشەکەی سیدنی: باوک و کوڕ بوون

ئاڤا نیوز

لەبارەی هێرشەکەی شاری سیدنی ئوسترالیا، پۆلیسی وڵاتەکە وردەکاریی نوێ ئاشكرا دەکات و دەڵێت ئەنجامدەرانیی ‌هێرشەکە باوک و کوڕێک بوون.

چیرۆکی سەرەکی: دوێنی یەکشەممە، ڕووداوێکی تەقەکردن لە کەناراوەکانی بۆندی لە نزیک سیدنی لە ئوسترالیا لە کاتی بەڕێوەچوونی ئاهەنگەکانی هانۆکا ڕوویدا، بەهۆیەوە ژمارەیەک کەس کوژران و برینداربوون.

ڕاگەێنراوی فەرمی: پۆلیسی ئوسترالیا ئاشکرای کرد، ئەنجامدەرانیی هێرشەکە باوک و کوڕێک بوون، باوکەکە تەمەنی 50 ساڵە و لە شوێنی ڕووداوەکە کوژراوە، کوڕەکەیشی کە تەمەنی 24 ساڵە لە نەخۆشخانەیە و بارودۆخی تەندروستیی ناجێگیرە.

ژمارەکان وادەڵێن: لە ئەنجامی هێرشەکە 16 کەس کوژران و زیاتر لە 42 کەسی دیکەش برینداربوون.