پۆلیسی هەولێر زانیاری لەبارەی ئەو کەسە بڵاو دەکاتەوە کە لە باڵەخانەیەک کەوتە خوارەوە و گیانی لەدەست دا

ئاڤا نیوز

 

بەڕێوەبەرایەتیی پۆلیسی هەولێر ڕایگەیاند، ئەو کەسەی گیانی لەدەست دا پیشەی کرێکارە و تەمەنی 56 ساڵە.

 

چیرۆکی سەرەکی: ئێوارەی ئەمڕۆ سێشەممە هەواڵی گیانلەدەستدانی کەسێک لە باڵەخانەیەکی نزیک شەقامی 120 مەتریی هەولێر بڵاو کرایەوە.

 

ڕاگەیێنراوی فەرمی: شەوی 16-12-2025، بەڕێوەبەرایەتیی پۆلیسی هەولێر ڕایگەیاند، زانیاریمان لەبارەی گیانلەدەستدانی کەسێک لە باڵەخانەیەکی سنووری هەولێر لە نزیک گوندی ڕەشکین لەسەر شەقامی 120 مەتری پێگەیشت.

 

بەگوێرەی ڕاگەیێنراوەکە، دوای لێکۆڵینەوەکانی تیمەکانی پۆلیس دەرکەوت، کە کەسەکە ناوی (ع.خ.ع) و تەمەنی 56 ساڵە و پیشەی کرێکار بووە.

 

-لە کاتی کارکردن لە نهۆمی سێیەمی باڵەخانەکە ئەو پیاوە کەوتووتە خوارەوە و گیانی لەدەست داوە.

 

ئەوەی پێویستە بیزانیت: تەرمەکە ڕەوانەی پزیشی دادوەریی هەولێر کراوە، لێکۆڵینەوەکانیش لە بابەتەکە بەردەوامە.