سەرۆک بارزانی: ئاڵای کوردستان هەڵگری پەیام و خەون و ئاواتی هەموو کوردستانیانە

ئاڤا نیوز

 

سەرۆک بارزانی، ڕۆژی ئاڵای کوردستان پیرۆز دەکات  و دەڵێت، ئاڵای کوردستان هەڵگری پەیام و خەون و ئاواتی هەموو کوردستانیانە.

 

وێنە گەورەکە: 17-12ـی هەموو ساڵێک، بە ڕۆژی ئاڵای کوردستان دەستنیشان کراوە، ساڵانە لەو ڕۆژەدا لەگەڵ بەرز کردنەوەی ئاڵای کوردستان لەسەرجەم دامودەزگا فەرمییەکان و ناوەندەکانی خوێندن، چەندین چالاکی بەو بۆنەیەوە ئەنجام دەدرێن.

 

پەیامی فەرمی: سەرۆک بارزانی، لە پەیامێکیدا لە تۆڕی ئێکس ڕایدەگەیێنێت: "ئاڵای کوردستان هێما و سیمبوڵێکی پیرۆزی گەلەکەمانە و هەڵگری پەیام و خەون و ئاواتی هەموو کوردستانیانە. ڕۆژی ئاڵا لە کوردستانیانی ئازیز پیرۆز بێت."

 

باکگراوند: ڕۆژی 11-11-1999، پەرلەمانی كوردستان بە یاسای ژمارە 14 ئاڵای کوردستانی وەک ئاڵای فەرمیی هەرێمی كوردستان ناساند، دواتر له‌سەر داوای ئەنجوومەنی وەزیران، بە بڕیاری ژمارە 48 لە ڕۆژی 19-6-2004 بە کۆی دەنگ، پەرلەمانی کوردستان، ڕۆژی 17ـی مانگی 12ی هەموو ساڵێکی بە ڕۆژی ئاڵای کوردستان دەستنیشان کرد.