وەزارەتی ئەوقاف جەژنی ڕۆژووی ئێزی پیرۆز دەكات

ئاڤا نیوز

وەزارەتی ئەوقاف و كاروباری ئایینیی هەرێمی كوردستان، بەبۆنەی جەژنی ڕۆژووی ئێزی، پیرۆزبایی لە كوردانی ئێزدی لە هەرێمی كوردستان و جیهان دەكات، هیواخوازیشە جەژنەكە ببێتە هۆكاری پەرەپێدانی گیانی خۆشەویستی و پێكەوەژیانی ئایینی نێوان پێكهاتەكانی كوردستان.

ئەوەی پێویستە بیزانیت: ڕۆژووی ئێزی، یەكێكە لە بۆنە ئایینیە گرنگەكانی كوردانی ئێزدی كە هاوكاتە لەگەڵ ناوەڕاستی مانگی كانوونی یەكەمی هەموو ساڵێک، تێیدا لە كورتترین ڕۆژانی ساڵدا ئێزدییەكان سێ ڕۆژ لەسەریەك بەڕۆژوو دەبن و خۆیان لە هەموو جۆرە مامەڵەیەكی دونیایی و وتنی قسەی نەشیاو بەدوور دەگرن، هەروەها بەو بۆنەیەوە ئاژەڵ سەردەبڕن و گۆشتەكەی بە خێر دابەش دەكەن.

ڕاگەیێنراوی فەرمی: وەزارەتی ئەوقاف و كاروباری ئایینیی حكومەتی هەرێمی كوردستان، لە بڵاوكراوەیەكی فەرمی ڕایدەگەیێنێت، بەبۆنەی هاتنەوەی جەژنی (ڕۆژووی ئێزی) پیرۆزبایی لە خوشک و برایانی ئێزیدی لە کوردستان و جیھان دەکەین، ئومێدەوارین ڕۆژانی جەژن بەخۆشی وکامەرانی لەگەڵ ئازیزانتان بەسەربەرن.

وەزارەتی ئەوقاف هیواخوازە، ھاتنی جەژنی (ڕۆژیێن ئێزی) ببێتە ھۆکاری زیاتری پەرەپێدانی گیانی خۆشەویستی و پێکەوەژیانی ئایینی نێوان ھەموو پێکھاتەکانی کوردستان.