یانەی زاخۆ بۆ دووەمجار لەسەر یەک لە عەینی ئیماراتی بردەوە

ئاڤا نیوز

 

لە یارییەکانی چامپیۆنزلیگی کەنداو، یانەی زاخۆی دەلال بە گۆڵێکی بێ وەڵام لە عەینی بردەوە و پێشەنگی کۆمەڵەکەی گرتووە و ئەمە دووەمجارە شکست بەم یانە ئیماراتییە بهێنێت.

 

چیرۆکی سەرەکی: یانەی زاخۆ بووە میوانی یانەی عەینی ئیماراتی، زاخۆییەکان لە دەرەوەی یاریگا و هاندەرانیان توانیان سێ خاڵی دیکە بەدەستبهێنن، کاتێک "ناسر محەممەدۆ" تاکە گۆڵی سەرکەوتنی زاخۆی تۆمار کرد و زاخۆ بە گۆڵێکی بێ وەڵام یارییەکەی بردەوە.

 

زانیاریی زیاتر: ئێستا یانەی زاخۆ پێشەنگی کۆمەڵەی دووەمی گرتووە و خاوەنی 10 خاڵە، عەین لە پلەی دووەمە بە شەش خاڵ یانەکانی قادسییە و سترە-ش  لە پلەکانی سێیەم و چوارەمن.

 

لەلایەکی دیکە: بەشێک لە هاندەرانی یانەی زاخۆ گەشتی ئیماراتیان کردبوو، بۆ ئەوەی لە نزیکەوە هانی زاخۆی دەلال بدەن، ئارین مەسرور بارزانیش لە ناو یاریگا بۆ هاندانی زاخۆ ئامادەبوو و پاڵپشتی یاریزانەکانی زاخۆی دەکرد.

 

دیمەنی ئامادەبوونی ئارین مەسرور بارزانی لە یارییەکە: