ئەندامێکی سەرکردایەتیی یەکێتی: کەشێکی لەبار بۆ ڕێککەوتنی پارتی و یەکێتی هەیە

ئاڤا نیوز

ئەندامێکی سەرکردایەتیی یەکێتی دووپاتی دەکاتەوە، کەشێکی لەبار هەیە بۆ ڕێککەوتنی پارتی و یەکێتی، دۆخەکەش وادەخوازێت تێڕوانین و ستراتیژیی هاوبەشمان هەبێت، بۆیە دەمانەوێت لەسەر پرسە نیشتمانییەکان لەگەڵ پارتی یەکدەنگ بین.

لێدوانی فەرمی: شێرکۆ میروەیس، ئەندامی سەرکردایەتیی یەکێتیی نیشتمانیی کوردستان، بە ئاڤای گوت: پۆستی سەرۆککۆمار پشکی کوردە، بەڵام لەنێو کورددا پشکی یەکێتییە، ئێمە دەمانەوێت لەگەڵ پارتی لەسەر ئەم بابەتە بگەین بە ڕێککەوتن، چونکە بەرپرسیارێتیی یەکێتی و پارتی لەوە گەورەترە و دەبێت لەسەر نەخشەڕێگایەک ڕێکبکەوین و هەموومان بە هاوسەنگی بەشداری بکەین.

٠ شێرکۆ میروەیس دووپاتی کردەوە: کەشێکی لەبار هەیە بۆ ڕێککەوتنی پارتی و یەکێتی، دۆخەکەش وادەخوازێت تێڕوانین و ستراتیژیی هاوبەشمان هەبێت، بۆیە دەمانەوێت لەسەر پرسە نیشتمانییەکان لەگەڵ پارتی یەکدەنگ بین.

زانیاریی زیاتر: ئەو ئەندامەی سەرکردایەتیی یەکێتی گوتیشی: جۆرێک لە لێکتێگەیشتن هەیە، هیوادارم لە حەوت بۆ 10 ڕۆژی داهاتوو بگەین بە ڕێککەوتن و تواناکانمان بۆ نوێنەرایەتیکردنی کورد یەکبخەین.

٠ شێرکۆ میروەیس ئەوەشی گوت: ناوچەکە لەبەردەم ئاڵنگاری و بارودۆخێکی تایبەتە، دەبێت خۆمان بۆ هەموو ئەگەرێک ئامادە بکەین و ستراتیژییەتێکی هاوبەشمان هەبێت.