ئیسرائیل دانینا بە سەربەخۆیی سۆماڵیلاند

ئاڤا نیوز

ئیسرائیل بە شێوەیەکی فەرمی ناساندنی کۆماری "سۆمالیلاند"ـی وەک دەوڵەتێکی سەربەخۆ و خاوەن سەروەری ڕاگەیاند.

ڕاگەیێنراوی فەرمی: نووسینگەی بنیامین نەتانیاهۆ، سەرۆکوەزیرانی ئیسرائیل، لە ڕاگەیێنراوێکدا ڕایگەیاند: "سەرۆکوەزیران دانپێدانانی فەرمی دەوڵەتی ئیسرائیلی بە کۆماری سۆماڵیلاند وەک دەوڵەتێکی سەربەخۆ و خاوەن سەروەری ڕاگەیاند."

بۆچی گرنگە: ئیسرائیل دەبێتە یەکەم دەوڵەت لە جیهاندا کە دان بە جیابووەوەی سۆماڵیلاند لە سۆماڵ بنێت و وەک وڵاتێکی سەربەخۆی بناسێنێت.

ئەمەش بزانە: سۆماڵیلاند هەرێمێکە لە ساڵی 1991ـەوە بە تاکلایەنە جیابوونەوەی خۆی لە سۆماڵ ڕاگەیاندووە، بەڵام تاوەکو ئێستا لەلایەن کۆمەڵگەی نێودەوڵەتییەوە وەک دەوڵەت مامەڵەی لەگەڵ نەکراوە.