دوای پەیامەکەی ئۆجەلان وەزارەتی بەرگریی تورکیا هەڕەشە لە هەسەدە دەکات

ئاڤا نیوز

وەزارەتی بەرگریی تورکیا جارێکی دیکە هۆشداری دەدات بە هەسەدە بۆ ئەوەی تیکەڵی ئیدارەی سووریا ببێت و هەڕەشەی ئەوەش لە هەسەدە دەکات ئەگەر حکوومەتی سووریا بە پەلە بڕیار بدات بۆ پاراستنی یەکپارچەیی خاکی وڵاتەکەی، وەک تورکیا پشتیوانی دەکەن.

چی ڕوویدا: دوێنێ عەبدوڵڵا ئۆجەلان لە پەیامێکدا ڕایگەیاند ڕێککەوتننامەی 10ـی ئادار لەنێو هەسەدە و ئیدارەی نوێی سووریا مۆدیلی سیاسیی دیموکراسییانەی پێکەوە خۆبەڕێوەبردنی گەلانی سووریایە و داوای لە تورکیا کرد ڕۆڵی بونیادنەرانە بگێڕێت بۆ جێبەجێکردنی ڕێککەوتننامەکە.

لێدوانی فەرمی: وەزارەتی بەرگریی تورکیا جەخت لەوە دەکاتەوە لەگەڵ ئیدارەی کاتی سووریا لە هەماهەنگی نزیکدان لەسەر بنەمای "یەک دەوڵەت" و "یەک سوپا" لە سووریا و دەڵێت: هەسەدە بەردەوامە لە داواکردنی فیدراڵیەت و ناناوەندێتی و هەنگاو نانێت بۆ تێکەڵبوون لەگەڵ دەسەڵاتی ناوەندی".

زانیاریی زیاتر: وەزارەتی بەرگریی تورکیا  جەخت لەوەش دەکاتەوە، تورکیا لە نزیکەوە چاودێری ئەوە دەکات کە ئاخۆ هەسەدە هەنگاو دەنێت بۆ تێکەڵبوون لەگەڵ ئیدارەی نوێی سووریا، یان نا.