دوای سێ ڕۆژ لە داخرانی دەروازەی کێلێ دەکرێتەوە

ئاڤا نیوز

بەهۆی بەفربارینی زۆرەوە چەند ڕۆژێک هاتووچۆ لە دەروازەی کێلێ ڕاگیرا، ئێستا دۆخەکە ئاسایی بووەتەوە و ڕێگاکە کراوەتەوە.

وێنە گەورەکە: شەپۆلە بەهێزەکەی بەفر و باران کە کوردستان گرتەوە، بووە هۆی دروستبوونی ئاستەنگی هاتووچۆ، سێ ڕۆژ هاتووچۆ لە دەروازەی کێلێ ڕاگیرا.

لێدوانی فەرمی: بەکر بایز، قایمقامی پشدەر بە ئاڤای ڕاگەیاند، سەر لە ئێوارەی ئەمڕۆ چوارشەممە، لە دیوی ئێمەوە هاتووچۆ ئاسایی بووەوە و ڕێگاکان کرانەوە، بەڵام لە دیوی ئێران بەداخراوی ماوەتەوە و سەرقاڵی پاککردنەوەی ڕێگاکەن.

قایمقامی پشدەر ڕایگەیاند، ئەو ئۆتۆمبێلانەی بەهۆی بەفربارینەوە گیریانخواردبوو، دەرهێنران و ڕادەستی خاوەنەکانیان کرانەوە.

ئەوەی پێویستە بیزانیت: ئەمساڵ هاتنی گەشتیار لە دەروازەی سنووری کێلێ بە بەراورد بە ساڵانی ڕابردوو کەمتر بووە، هۆکارەکەشی بۆ داخستنی ڕێگاکە دەگەڕێتەوە.