بەڕێوەبەرایەتیی خۆسەر حکومەتی سووریا بە شکستهێنانی ڕێککەوتنی 10ی ئازار تۆمەتبار دەکات

ئاڤا نیوز

بەرپرسی پەیوەندییەکانی دەرەوەی بەڕێوەبەرایەتیی خۆسەر ڕایدەگەیێنێت، حکومەتی کاتیی سووریا بەرپرسیاری یەکەمە لە پەکخستنی ڕێککەوتنی 10ی ئادار و ئەنجامدانی هێرش بۆ سەر شێخ مەقسوود و ئەشرەفیە.

 

ڕاگەیێنراوی فەرمی: ئیلهام ئەحمەد، بەرپرسی پەیوەندییەکانی دەرەوەی بەڕێوەبەرایەتیی خۆسەر لە كۆنفڕانسێكی ڕۆژنامەوانیدا ڕایگەیاند، ئەم قەیرانە بە جەنگێکی میدیایی دژی کورد دەستیپێکرد و دواتر گۆڕا بۆ هێرشێکی چەکداریی بەرفراوان.

 

زانیاریی زیاتر: بە گوتەی ئیلهام ئەحمەد، وەزارەتی بەرگریی سووریا لە کاتێکدا ئۆپەراسیۆنی دژی ئەو دوو گەڕەکە ڕاگەیاند، کە هێزەکانی سووریای دیموکرات بەپێی ڕێککەوتنی 1ی نیسان لێیان کشابوونەوە. لە هێرشەکەدا 80 تانک بەکارهێنراون و بووەتە هۆی گیانلەدەستدانی 48 کەس، هەروەها چەکدارانی داعش، ئۆیغوور و گرووپە بیانییەکان لە پەلامارەکاندا بەشدارن.

 

لەلایەکی دیکە: جەختی کردەوە، حکومەتی سووریا مەرجە نێودەوڵەتییەکانی پاراستنی کەمینەکانی پێشێل کردووە و پێویستە ئەمریکا هەڵوێستی ڕوون بێت. لە کۆتاییدا دووپاتی کردەوە کە پابەندی گفتوگۆن، بەڵام دەبێت هێرشەکان ڕابگیرێن و پاراستنی دانیشتووان لەژێر سەرپەرشتیی نەتەوە یەکگرتووەکان و لایەنە نێودەوڵەتییەکاندا بێت.