ئاڤا بەدواداچوون بۆ داواكاریی کارگوزارێک دەکات

ئاڤا نیوز

 

ئاڤا داواكاریی کارگوزارێک كە دەیەوێت خانەنشین بێت و گرفتی بۆ دروست بووە، دەگەیێنێت. لەبارەی کێشەی ئەو فەرمانبەرە بەڕێوەبەرایەتیی گشتیی خانەنشینی هەرێمی کوردستان دەڵێت: ئەو کەسە دەتوانێت بە ڕاپۆرتی پزیشکی یان بەبێ ئەوەش داوای خانەنشینی بکات، داواکارییەکە ئاراستەی بەڕێوەبەرایەتییەکەی خۆی دەکات، لەوێوە ئاراستەی ئێمە دەکرێت و کارەکانی بۆ جێبەجێ دەکەین.

 

کێشەی سەرەکی: فەوزییە تەها محەممەد لەدایکبووی ساڵی 1973یە، لە ساڵی 2007 بە گرێبەست وەک کارگوزار لە کۆلێژی کشتووکاڵی زانکۆی سەلاحەدین دامەزراوە، لە 2012 کارەکەی بۆ بەڕێوەبەرایەتیی گشتیی گەشتوگوزاری گواستراوەتەوە، زیاتر لە 20 ساڵ خزمەتی هەیە، بەڵام نەخۆشی تەنگی پێهەڵچنیوە و ناتوانێت ئیتر ناتوانێت كار بكات، داوا لە ئاڤا دەکات دەنگی بگەیێنێ.

 

چارەسەر: ئاڤا پەیوەندی بە سەرچاوەیەکی باڵا لە بەڕێوەبەرایەتیی گشتیی خانەنشینی هەرێمی کوردستان کرد، وتی: بەگوێرەی یاسای خانەنشینیی یەکگرتووی عێراق، هەر گرێبەستێک خزمەتی 15 ساڵی هەبێت خانەنشین دەکرێت، تەوقیفاتی خانەنشینییەکەی لێ وەردەگرین و 300 هەزار دینار مانگانە مووچەی خانەنشینی دەبێت، بەڵام ئیکرامییەی شەش مانگ و 12 مانگەکە نایگرێتەوە.

 

سەرچاوەکە باڵاکە ڕایگەیاند: ئەم کەسە زیاتر لە 20 ساڵ خزمەتی هەیە، بۆیە دەتوانێت بە ڕاپۆرتی پزیشکی یان بەبێ ئەوەش داوای خانەنشینی بکات، داواکارییەکە ئاراستەی بەڕێوەبەرایەتییەکەی خۆی دەکات، لەوێوە ئاراستەی ئێمە دەکرێت و کارەکانی بۆ جێبەجێ دەکەین.