لە تەبقە بەهۆی هێرشی "درۆنی تورکییەوە" چەند ئەندامێکی هەسەدە بریندار بوون

ئاڤا نیوز

 

هێزەکانی سووریای دیموکرات ڕایگەیاند، تەنیا لەم هەفتەیەدا درۆنی بەیرەقداری تورکیی چوار جار بنکە و بازگەی هێزەکانیانی لە تەبقە و مەسکەنەی ڕۆژهەڵاتی حەلەب کردووەتە ئامانج، لە ئەنجامیشدا چەند ئەندامێکی هێزەکانیان بریندار بوون.

 

وێنە گەورەکە: گرووپە چەکدارەکانی سەر بە دیمەشق دەیانەوێت هەسەدە لە سەرجەم ناوچەکانی ڕۆژئاوای ڕووباری فوڕات لە باکووری سووریا بەرەو ڕۆژهەڵاتی فوڕات بکشێتەوە، بەوپێیەش دەیانەوێت ئاوی ڕووباری فوڕات ببێتە سنووری دابڕی نێوان هێزەکانیان لەگەڵ هێزەکانی سووریای دیموکرات.

 

ڕاگەیێنراوی فەرمی: هێزەکانی سووریای دیموکرات (هەسەدە) ئەمڕۆ چوارشەممە بڵاوی کردەوە، ئەم بەیانییە لە چوارچێوەی زیادکردنی گرژییەکاندا، درۆنی بەیرەقداری تورکیی خاڵێکی سەربازیی هێزەکانیانی لە شارۆچکەی مەسکەنە کردە ئامانج، ئەم هێرشە زیانی نەبوو بەڵام دووەم هێرشی لەم شێوەیەیە لە ماوەی کەمتر لە 24 کاتژمێردا، ئەوەش پێشهاتێکی مەترسیدارە بۆ ناوچەکە.

 

زانیاریی زیاتر: ئەوەشی خستووەتەڕوو، درۆنێکی دیکەی تورکی خاڵێکی هێزەکانیانی لە گوندی بوعاسی دەوروبەری شارۆچکەی تەبقە کردە ئامانج، لە ئەنجامی ئەم هێرشەدا ژمارەیەک لە ئەندامانی هەسەدە بریندار بوون و ئێستا چارەسەریان بۆ دەکرێت.

 

لێدوانی فەرمی: سەرخۆبوون کۆبانی، فەرماندەی هێزەکانی سووریای دیموکرات (هەسەدە) لە شارۆچکەی دێر حافر و مەسکەنەی ڕۆژهەڵاتی حەلەب (ڕۆژئاوای فوڕات) ڕایگەیاندووە، بڕیاری هەسەدە بەرگریکردنە لە شارۆچکەی دێر حافر و مەسکەنە و بە "توندی" وەڵامی هێرشەکانی گرووپە چەکدارەکانی سەر بە دیمەشق بۆسەر ناوچەکانیان دەدەنەوە.