مەسرور بارزانی و سەرۆکوەزیرانی هۆڵەندا لە داڤۆس دۆخی ڕۆژئاوای کوردستان تاوتوێ دەکەن

ئاڤا نیوز

 

ئەمڕۆ چوارشەممە 21-01-202، مەسرور بارزانی، سەرۆکوەزیرانی هەرێمی کوردستان، لە داڤۆس، لەگەڵ دیک شوف، سەرۆکوەزیرانی هۆڵەندا کۆبووەوە و بەشێکی گفتوگۆکان دۆخی هەنوکەیی سووریا بوو.

 

چیرۆکی سەرەکی: پێنجەم ساڵە هەرێمی کوردستان بەشداری لە کۆڕبەندی ئابووریی جیهانیی داڤۆسدا دەکات؛ ساڵانە مەسرور بارزانی، سەرۆکوەزیرانی هەرێمی کوردستان، کۆمەڵێک سەرمایەداری گەورەی کوردستان لەگەڵ شاندی حکومەتدا دەباتە کۆڕبەندەکە. هەرێمی کوردستان لە داڤۆس کار لەسەر پەرەپێدانی سەرجەم پەیوەندییەکانی دەکات.

 

ڕاگەیێنراوی فەرمی: ماڵپەڕی حکومەتی هەرێمی کوردستان بڵاوی کردەوە، هەردوولا جەختیان لە پەرەپێدانی پەیوەندیی دوولایەنە لە بوارە جۆراوجۆرەکاندا کردەوە. سەرۆکوەزیران تیشکی خستە سەر چاکسازییەکانی حکومەتی هەرێمی کوردستان بە ئاراستەی بنیاتنانی ژێرخانێکی بەهێزی ئابووری. لەمبارەیەوە سوپاسی پشتیوانی و هاریکاریی هۆڵەندای کرد، بە تایبەتی لە بواری کشتوکاڵی.

 

- لە تەوەرێکی دیکەدا، گفتوگۆ لەبارەی پەرەسەندنە سەربازییەکانی سووریا کرا، هەردوولا نیگەرانی خۆیان بەرانبەر شەڕ و ئاڵۆزییەکان دەربڕی، جەختیان لە کۆتاییهێنان بە پێکدادان و پاراستنی ئاشتی و سەقامگیری، ڕێزگرتن لە مافەکانی گەلی کورد و گشت پێکهاتەکانی سووریا کردەوە.