چەکدارانی سەر بە سوپای سووریا لە سێ لاوە هێرشیان کردە سەر کۆبانێ

ئاڤا نیوز

هێزەکانی سووریای دیموکرات (هەسەدە) ڕایگەیاند، سەرەڕای درێژکردنەوەی ماوەی ئاگربەست، بەڵام ئەمڕۆ چەکدارانی سەر بە سوپای سووریا گوندەکانی دەوروبەری کۆبانێیان بە ئامانج گرت.

چیرۆکی سەرەکی: کاتژمێر 10ـی شەوی شەممە، وەزارەتی بەرگریی سووریا درێژکردنەوەی ئاگربەستی لەگەڵ هەسەدە بۆ ماوەی 15 ڕۆژی داهاتوو ڕاگەیاند، دوای ئاگربەستەکە ئەمڕۆ یەکشەممە هێرشکرایە سەر کۆبانێ.

ڕاگەیێنراوی فەرمی: ئێوارەی ئەمڕۆ، هەسەدە ڕاگەیێنراوێکی بڵاوکردەوە و تێیدا ئاماژەی بەوەکردووە، سەرەڕای ڕاگەیاندنی درێژکردنەوەی ئاگربەست، بەڵام چەکدارانی سەر بە سوپای سووریا هێرشیانکردەسەر گوندی شێخلەر/شیوخ و زیرەک لە ڕۆژئاوای شاری کۆبانێ.

ئەوەشی خستووەتەڕوو، ناوچەی جەلبیەی باشووری ڕۆژهەڵاتی کۆبانێش لەلایەن گرووپەکانەوە بە ئامانج گیراوە.