گەورە ڕاوێژکاری ستارمەر بەهۆی دۆسیەی ئێپستین دەستی لەکارکێشایەوە

ئاڤا نیوز

مۆرگان مەک سوینی، سەرۆکی دیوانی سەرۆکوەزیرانی بەریتانیا، بەرپرسیارێتیی دانانی "پیتەر ماندێڵسۆن"ی وەک باڵیۆز گرتە ئەستۆ و بە فەرمی دەستی لەکار کێشایەوە.

چیرۆکی سەرەکی: ئەمڕۆ یەکشەممە 8-2-2026، مۆرگان مەک سوینی، سەرۆکی دیوانی سەرۆکوەزیرانی بەریتانیا، بە فەرمی دەستی لەکار کێشایەوە. ئەم هەنگاوە دوای ئەوە هات کە حکومەتەکەی کێر ستارمەر تووشی ڕەخنەیەکی توند بووەوە بەهۆی "پیتەر ماندێڵسۆن" باڵیۆزی بەریتانیا لە واشنتۆن. مۆرگان لە بەیاننامەیەکدا ڕایگەیاند کە لە بڕیاری دانانی ماندێڵسۆن "هەڵە بووە".

لێدوانی فەرمییەکان: مۆرگان مەک سوینی ڕایگەیاند: من ماندێڵسۆنم لە پۆستەکەیدا داناوە، بۆیە منیش بەرپرسیارم و دەست لەکار دەکێشمەوە.

 ٠ مەکفادن، وەزیری کاری بەریتانیا، ڕایگەیاند: "ستارمەر هەڵەیەکی کوشندەی کردووە، بەڵام دانانی ماندێڵسۆن نابێت ببێتە هۆی ئەوەی سەرۆکوەزیران دەست لەکار بکێشێتەوە.

زانیاریی زیاتر: بەپێی بەڵگەنامەکانی وەزارەتی داد لە ئەمریکا، ماندێڵسۆن تۆمەتبارە بەوەی زانیاریی نهێنیی حکوومەتی بەریتانیای بۆ جێفری ئێپستین (تاوانبار) دزە پێ کردووە. ئێستا وەزارەتی دەرەوەی بەریتانیا خەریکی لێکۆڵینەوەیە لەو بڕە پارەیەی کە وەک "پاداشتی کۆتایی خزمەت" بە ماندێڵسۆن دراوە، دوای ئەوەی تەنیا 7 مانگ لە پۆستەکەیدا بوو. ئێستا پۆلیس سەرقاڵی لێکۆڵینەوەیە لە ماندێڵسۆنی تەمەن 72 ساڵ بەهۆی "خراپ بەکارهێنانی پۆستە گشتییەکەی".