سانام ڤەكیل: ئێران وزەی خۆی بۆ دەرەوە بەکاردەهێنێت

ئاڤا نیوز

بەڕێوەبەری پرۆگرامی ڕۆژهەڵاتی ناوەڕاست و باکووری ئەفریقا "چاتام هاوس" ڕایگەیاند "پشتگوێ خستنی ئێران لە ناوچەکەدا دەرئەنجامی خراپی لێدەکەوێتەوە".

وێنە گەورەکە: سانام ڤەکیل، لە پانێڵێکی دیداری سلێمانی قسەیکرد کە پەیوەست بوو بە پرسی بەردەوامی شەڕ لە غەززە و ئاڕاستەو ستراتیژی نوێی کارەکتەرە ئەمنییەکان لە تەواوی ناوچەکە.

لێدوانی فەرمی: "پشتگوێ خستنی ئێران لە ناوچەکەدا دەرئەنجامی خراپی لێدەکەوێتەوە و ئێران وزەی خۆی بۆ دەرەوە بەکاردەهێنێت نەک بۆ ناوخۆ". سانام ڤەکیل، بەڕێوەبەری پرۆگرامی ڕۆژهەڵاتی ناوەڕاست و باکووری ئەفریقا، (چاتام هاوس) لە پانێلەکە وای گوت.

زانیاریی زیاتر: سانام ڤەکیل، تیشکی خستە سەر ئەوەی کە چارەسەرەکانی ئیسڕائیل بۆ کێشەکان کارا نەبوون و گوتی " پرسی سەربەخۆیی فەڵەستین یەکێکە لە کێشە گرنگەکان".