سوودانی و مالیکی بۆ یەکلاکردنەوەی پۆستی سەرۆککۆمار کۆبوونەوە

ئاڤا نیوز

سەرۆکوەزیرانی عێراق و سەرۆکی هاوپەیمانیی دەوڵەتی یاسا، دوایین گۆڕانکارییە سیاسییەکان و هەوڵەکانیان بۆ هەڵبژاردنی سەرۆککۆمار لە پەرلەمان و پێکهێنانی کابینەی نوێی حکومەتیان بە وردی تاووتوێ کرد.

چیرۆکی سەرەکی: درەنگانی شەوی ڕابردوو، لەبارەی پرسی سەرۆککۆماری عێراق و کاندیدی سەرۆکوەزیرانی داهاتوو، هەریەکە لە محەممەد شیاع سوودانی، سەرۆکوەزیرانی عێراق و نووری مالیکی، سەرۆکی هاوپەیمانی دەوڵەتی یاسا کۆبوونەوە.

ڕاگەیێنراوی فەرمی: بەگوێرەی ڕاگەیێنراوێکی نووسینگەی ڕاگەیاندنی سەرۆکوەزیرانی عێراق، محەممەد شیاع سوودانی لەگەڵ نووری مالیکی کۆبووەوە تاوەکو هەماهەنگیی نێوان هێزە نیشتمانییەکان بۆ تەواوکردنی ڕێکارە یاسایی و دەستوورییەکان بەهێزتر بکەن.

٠ هەردوولا جەختیان لەسەر گەیشتن بە ڕێککەوتنێکی سیاسی کردەوە کە پڕۆسەی هەڵبژاردنی سەرۆککۆمار لە پەرلەمان ئاسان بکات و ڕێگەی پێکهێنانی كابینەی تازەی حکومەت خۆش بکات.

٠ سوودانی لە دیدارەکەدا، بەردەوامیی هەوڵەکانی حکومەتی بۆ دابینکردنی خزمەتگوزاری و گەشەپێدانی ئابووری و وەڵامدانەوەی داواکارییەکانی هاووڵاتییان لەم قۆناغە هەستیارەدا بۆ هەمووان دووپات کردەوە.