عێراق: شنگال دۆسیەیەکی نیشتمانییە و تەنیا بەغدا بەڕێوەی دەبات

ئاڤا نیوز

ڕاوێژکارێکی سەرۆکوەزیرانی عێراق ڕایدەگەیێنێت، حکومەتی فیدراڵ پابەندە بە پاراستنی سەروەریی نیشتمانی و دۆسیەی شنگال تەنیا لەلایەن دامەزراوە ئەمنییەکانی وڵاتەوە بەڕێوەدەبرێت و ئارامیی بۆ گەڕێندراوەتەوە.

لێدوانی فەرمی: د. حوسێن عەلاوی، ڕاوێژکاری سەرۆکوەزیرانی عێراق لە دیدارێکی تەلەڤزیۆنیدا لەگەڵ کەناڵی "الحدث"ـی سعوودی ڕایگەیاند، شنگال دۆسیەیەکی عێراقییە و لەلایەن حکومەتی فیدراڵ و پارێزگای نەینەواوە بەڕێوەدەبرێت، هێزە چەکدارەکانی وڵاتیش بەرپرسن لە پاراستنی ئاسایشی تەواوی ناوچەکە.

٠ عێراق ناڕەزایەتی بەرامبەر لێدوانەکانی وەزیری دەرەوەی تورکیا نیشانداوە، چونکە ئەو قسانە زیان بە پەیوەندییە ستراتیژییەکانی نێوان هەردوو وڵاتی دراوسێ دەگەیەنن.

٠ عێراق ڕێکاری بۆ قەدەغەکردنی پەکەکە گرتووەتەبەر، بۆ یەکەمجار لە ماوەی چل ساڵدا، بنکەی پاسەوانیی لەسەر هێڵی سفری سنوورەکان جێگیر کردووە.

٠ هەماهەنگی بەغدا و هەرێمی کوردستان بۆ ئارامی بەردەوامە، ئامانجیش پاراستنی بەرژەوەندییە باڵاکانی نیشتمان و ئاسایشی نەتەوەیی عێراقە.