ئاری هەرسین: بەبێ پارتی هەڵبژاردن ناکرێت

ئاڤا نیوز

 

بەرپرسی لقی چواری پارتی ڕایدەگەیێنێت، لەبەر ئەوەی پارتی ژمارەیەکی گەورەیە لە گۆڕەپانی سیاسیی عێراقدا، بەبێ ئەوان ئەستەمە هەڵبژاردن بکرێت.

 

وێنە گەورەکە: کەمتر لە دوو مانگ ماوە بۆ هەڵبژاردنی پەرلەمانی کوردستان، بەڵام پارتی و زیاتر لە 10 لایەنی سیاسیی پێکهاتەکان، بەهۆی بڕیارەکانی دادگەی فیدراڵی لەسەر شێوازی هەڵبژاردن، ناڕازین و بەمشێوەیە بەشداری ناکەن.

 

لێدوانی فەرمی: ئاری هەرسین بە ئاڤا نیوزی گوت: "هەڵوێستەکەمان لەسەر حیزبەکەمان نییە کە چەند کورسی کەم یان زۆر بەدەست دەهێنین، پرسێکی گرنگتر هەیە و ئەویش پیلانگێڕییە لەسەر هەرێمی کوردستان". 

 

ئەمەش بزانە: دوایین هەڵوێستی پارتی لەبارەی هەڵبژاردن ئەوەبوو سەرۆک بارزانی دوای کۆبوونەوەی لەگەڵ باڵیۆزی فەرەنسا ڕایگەیاند: "پارتی هەردەم ئامادەیە بۆ هەڵبژاردنێکی پاک و بێگەرد".