لە چارەکی یەکەمی ئەمساڵ 470 کەس لەسەر ماددە هۆشبەرەكان لە هەولێر و دهۆک دەستگیرکراون

ئاڤا نیوز

 

لە سەرەتای ئەمساڵەوە لە پارێزگاکانی هەولێر و دهۆک زیاتر لە 470 کەس لەسەر بەكارهێنان و بازرگانیكردن بە ماددە هۆشبەرەكان دەستگیرکراون.

 

زانیاریی بەدەستهاتوو: لە سەرەتای ئەمساڵەوە و تاوەکو 31-3-2024، لە هەردوو پارێزگای هەولێر و دهۆک  471 کەس لەسەر بەكارهێنان و بازرگانیكردن بە ماددە هۆشبەرەكان دەستگیرکراون، کە 201 کەس بەکارهێنەر و 270 کەسیش بازرگان بوون.

 

ئەوەی پێوستە بیزانیت: لەو ماوەیەدا 39 کیلۆگرامی ماددەی هۆشبەری جۆراوجۆر و هەزار و 672 شیت حەبی هۆشبەری پزیشکی دەستیبەسەردا گیراوە.

 

بۆچی گرنگە: بەپێی ئامارەکان، بازرگانیکردن و بەکارهێنانی ماددە هۆشبەرەکان لە هەرێمی کوردستان بەراورد بە ساڵی رابردوو تا هەمان ماوەی کە ئامارەکەی تێدا بڵاوکراوەتەوە، کەمبووەتەوە.

 

باکگراوند: لە ساڵی 2023، سێ هەزار 552 کەس لە هەر سێ پارێزگای هەولێر، دهۆک و سلێمانی لەسەر بەكارهێنان و بازرگانیكردن بە ماددە هۆشبەرەكان دەستگیرکراون.