وەزارەتی ناوخۆ لەبارەی ئۆتۆمبێلە بێ سەرەتاکان بڕیارێک دەدات

ئاڤا نیوز

 

بەڕێوەبەری گشتیی دیوانی وەزارەتی ناوخۆی حكومەتی هەرێمی كوردستان دەڵێت، هەر ئۆتۆمبێلێك مەرجەكانی سەلامەتی تێدانەبێت و بێ سەرەتا بێت، ڕێگەی پێنادرێت بە هیچ شێوەیەک بێتە سەر شەقام.

 

لێدوانی فەرمی: د. هێمن میرانی، بەڕێوەبەری گشتیی دیوانی وەزارەتی ناوخۆ بە ئاڤا نیوزی ڕاگەیاند: هەر ئۆتۆمبێلێك مەرجەكانی سەلامەتی تێدانەبێت ڕێگەی پێنادرێت بێتە سەر شەقام، هەرچەندە ئێستا هەندێك ئۆتۆمبێل لەسەر شەقامەكانن، بەڵام ئەوانە ڕێكاری یاساییان بەرامبەر ئەنجام دەدرێت.

 

بڕیارەکە  بەمشێوەیە: ئۆتۆمبێلە بڕاوەکان بە هیچ شێوەیەک تۆمار ناکرێن، چونکە بەپێی بەڕێوەبەرایەتی گشتیی دیوانی وەزارەتی ناوخۆ، "سەلامەتی هاونیشتمانیان لە هەموو شتێک گرنگترە."

 

زانیاری زیاتر: بەڕێوەبەری گشتیی دیوانی وەزارەتی ناوخۆ داوا لە هاووڵاتیان دەكات ئۆتۆمبێلی بڕاوە لێنەخوڕن و دەڵێت: ڕەنگە لە ڕووداوێكی سووكدا ئۆتۆمبێلەكە ببێتە دوو پارچە.