دیندار زێباری: هیچ ئاوارەیەک هاوشێوەی عێراق بەزۆرەملێ ناگەڕێنینەوە

ئاڤا نیوز

 

ڕێکخەری ڕاسپاردە نێودەوڵەتییەکان ڕایگەیاند، لەگەڵ گەڕانەوەی ئارەزوومەندانەی ئاوارەکانن و دەرگایان بۆ لێقەوماوان هەر کراوە دەبێت، کەسیش بە زۆرەملێ ناگەڕێننەوە.

 

وێنە گەورەکە: عێراق بڕیاریداوە تاوەکو 30 تەمموزی ئەمساڵ سەرجەم کەمپەکان دابخات و حکومەتی هەرێمی کوردستانیش بەوە تۆمەتبار دەکات کە ڕێگرە لە گەڕانەوەی ئاوارەکان.

 

لێدوانی فەرمی: دیندار زێباری، ڕێکخەری ڕاسپاردە نێودەوڵەتییەکانی حکومەتی هەرێمی کوردستان بە ئاڤا نیوزی گوت، "ئێمە پابەندین بە پرەنسیپە نێودەوڵەتییەکان لەسەر بنەمای ئارەزوومەندانەی گەڕانەوەی ئاوارە و پەنابەران بۆ ناوچەکانیان.

 

زانیاری زیاتر: حکومەتی هەرێمی کوردستان لەگەڵ داخستنی زۆرەملێی هیچ کەمپێکدا نییە و دەڵێت، پێویستە عێراقیش پابەندی بڕیارە نێودەوڵەتییەکان بێت.

 

ژمارەکان وا دەڵێن: لە هەرێمی کوردستان 24 کەمپی ئاوارە هەن، نزیکەی 35 بۆ 37 هەزار خێزان لە کەمپەکاندا دەژین.